HEART TO HEART ( Nattalin, Pegu West, Myanmar )
ပညာ၊ ကျန်းမာ ထောက်ပံ့ကူညီရေး
♥τo♥
ရဲ့ အဓိပ္ပါယ်ကတော့ ချို့တဲ့ဒုက္ခရောက်နေတဲ့ (မိသားစု) ရဲ့ ကိုယ်စိတ်နှလုံး
ခံစားမှုဝေဒနာတွေကို မိမိကဲ့သို့ စာနာစိတ်ထားကာ ကူညီစောင့်ရှောက်မှု
"စာနာစိတ်ထား ယှက်နွယ်နှလုံးသား" ကို ဆိုလိုပါတယ်...
(လူတစ်ဦး တစ်လ တစ်ထောင်ကျပ် စုဆောင်းပြီး ကိုယ့်မြို့ရွာရဲ့ လစ်ဟာနေတဲ့ လူမှုကွက်လပ်တွေကို တူညီစိတ်ထားဖြင့် စွမ်းနိုင်သရွေ့ ဖြည့်ဆည်းကြရအောင်...) ▬▬▬▬▬▬▬▬▬▬▬ ရည်ရွယ်ချက် ▬▬▬▬▬▬▬▬▬▬▬▬▬ • မိမိမြို့ရွာ ဝန်းကျင်ရှိ ပညာရေး၊ ကျန်းမာရေး အစရှိသော လူမှုဒုက္ခ အခက်အခဲများကို စုပေါင်းအားနဲ့ စွမ်းနိုင်သရွေ့ လုပ်ဆောင်ပေးနိုင်ဖို့ ဖြစ်ပါတယ်... ▬▬▬▬▬▬▬▬▬▬▬▬ ဖွဲ့စည်းမှု ▬▬▬▬▬▬▬▬▬▬▬▬▬▬ • အသင်းအဖွဲ့ပုံစံမျိုးမဟုတ်ပဲ စုပေါင်းလှူဒါန်းခြင်းပုံစံနဲ့ ဆောင်ရွက်တာမို့ ဥက္ကဋ္ဌ၊ အတွင်းရေးမှူး တစ်စုံတစ်ယောက်က တာဝန်ခံလုပ်ဆောင်ခြင်း စသည်တို့မရှိပါ။ အနှောင်အဖွဲ့ကင်းကင်းနဲ့ စုပေါင်းဆောင်ရွက်ခြင်း (Freedom, Unity and Truth) ပုံစံနဲ့ လုပ်ဆောင်တာဖြစ်လို့ စိတ်ပါဝင်စားသူ မည်သူမဆို အားလပ်တဲ့အချိန်မှာ နိုင်ရာတာဝန်ယူလို့ ပါဝင်ဆောင်ရွက်နိုင်ပါတယ်... ▬▬▬▬▬▬▬▬▬▬ အလှူငွေကောက်ခံမှု ▬▬▬▬▬▬▬▬▬▬▬ • လူတစ်ဦး တစ်ထောင်ကျပ်ကို လစဉ် (သို့) အဆင်ပြေတဲ့လမှာ ကောက်ခံသူတာဝန်ခံ (Branch Leader) များမှတစ်ဆင့် လစဉ် (၂၅) ရက်နေ့နောက်ဆုံးထား လှူဒါန်းနိုင်ပါတယ်။ လအတွင်း လှူဒါန်းရန် ပျက်ကွက်ပါက အဆင်ပြေသောလမှ ဆက်လက်လှူဒါန်းနိုင်ပါတယ်။ ယခင်လ ကြွေးကျန် လှူဒါန်းမှုကို စာရင်းဇယား အခက်အခဲရှိပါ၍ လက်မခံနိုင်ပါ။ လစဉ် အလှူရှင်များ စာရင်းကို အချိန်မရွေး ကြည့်ရှုနိုင်ပါတယ်။ (သီးခြားအလှူခံ စေလွှတ်ခြင်း၊ မည်သည့် ရပ်ကွက်၊ ကျေးရွာမှ တာဝန်ရှိသူများ ရပ်မိရပ်ဖများအား ကူညီကောက်ခံစေခြင်း၊ အဖွဲ့လိုက် ကောက်ခံခြင်းများ လုံးဝ (လုံးဝ) မပြုလုပ်ပါ။) မိမိဆန္ဒဖြင့် လှူဒါန်းလိုသူကိုသာ လက်ခံပါတယ်။ ▬▬▬▬▬▬▬▬▬▬ အလှူငွေထိန်းသိမ်းမှု ▬▬▬▬▬▬▬▬▬▬▬ • လစဉ် ရငွေ၊ သုံးငွေအချိုးကို ချိန်ဆဆောင်ရွက်သုံးစွဲတာမို့ ငွေပိုငွေလျှံ အမြောက်အများ လက်ဝယ်စုဆောင်းထားရှိခြင်း မရှိပါ။ ပညာရေး၊ ကျန်းမာရေး လှူဒါန်းမှုများကို ချိန်ဆ၍ လပြတ်သုံးစွဲ၍ မရပါသဖြင့် အလွန်ဆုံး (၂) လစာ လောက်ကို ခန့်မှန်းချိန်ဆ သုံးစွဲပါတယ်။ (အလှူငွေ လှူဒါန်းခြင်း၊ ထိန်းသိမ်းခြင်း၊ စီမံခန့်ခွဲခြင်းတို့ကို တာဝန်ခံ (၆) ဦးဖြင့် ဆောင်ရွက်ပါတယ်။) ▬▬▬▬▬▬▬▬▬▬▬▬ ဖိတ်ခေါ်မှု ▬▬▬▬▬▬▬▬▬▬▬▬▬ • လူငယ်အများစုမှ မှန်ကန်သော စေတနာအရင်းခံကာ ကိုယ်စွမ်း၊ ဥာဏ်စွမ်းရှိသမျှနှင့် လှုပ်ရှားလုပ်ဆောင်ရပါသဖြင့် လိုအပ်ချက်များကို တတ်သိနားလည်သူများက အပြုသဘော စေတနာဖြင့် မှန်ကန်သော လမ်းညွန်ပေးမှုများ၊ ကျိုးကြောင်းဝေဖန်ထောက်ပြမှုများ လိုအပ်ပါသဖြင့် အကြံပြုခြင်းများနှင့်အတူ ပါဝင်ဆောင်ရွက်ပေးပါရန် အားလုံးကို လေးစားစွာဖြင့် ဖိတ်ခေါ်ပါတယ်... | |
| Mission |
♥τo♥ ပညာရေး «««
တစ်နှစ် နှစ်ကြိမ် (ဇွန်လ နှင့် အောက်တိုဘာလ) တို့တွင် သက်ဆိုင်ရာ ကျောင်းများနှင့် ညှိနှိုင်းကာ ချို့တဲ့နွမ်းပါး ကျောင်းသူ၊ ကျောင်းသားများ စာရင်း ရယူ၍ လှူဒါန်းပါတယ်။ ♥τo♥ ကျန်းမာရေး ««« မြို့နယ်ပြည်သူ့ဆေးရုံနဲ့ ဆက်သွယ်ပြီး ဆေးဝါးကုသဖို့ မတတ်နိုင်တဲ့ သူတွေကို သေချာစိစစ်ပြီး လှူဒါန်းပေးပါတယ်။ အကြောင်းအကျိုး ညီညွတ်ရင်လည်း မျက်စိခွဲစိတ်ကုသပေးမှု ပြုလုပ်ပေးပါတယ်။ ♥τo♥ သွေးလှူခြင်း ««« သွေးလှူရှင်များမှ အရေးပေါ်သွေးလိုအပ်မှုများကို အတတ်နိုင်ဆုံး လှူဒါန်းပေးပါတယ်။ (သွေးလှူလိုသူများ ဆက်သွယ်လှူဒါန်းကြဖို့ ဖိတ်ခေါ်ပါတယ်။) ♥τo♥ ရှေ့လုပ်ငန်းစဉ်များ ««« ရေရှည်ဆောင်ရွက်မည့် လုပ်ငန်းစဉ်များမရှိဘဲ လစဉ်အလှူငွေများပေါ်တွင် မူတည်၍ မြို့နယ်၏ ပညာရေး၊ ကျန်းမာရေး (မျက်စိကုသမှုအပါအဝင်) စသည့် လူမှုလိုအပ်ချက် ကွက်လပ်များကို အကျိုးရှိစွာ အထိရောက်ဆုံး လှူဒါန်းပေးသွားမှာ ဖြစ်ပါတယ်။ ♥τo♥ ငွေကြေးသုံးစွဲမှု ««« အလှူရှင်များ လှူဒါန်းထားသော ငွေများကို လိုအပ်နေသော အလှူခံများဆီသို့ ပကာသနမဖက် အထိရောက်ဆုံး အပြည့်အဝ လှူဒါန်းပေးပါမယ်။ လစဉ်ရငွေ သုံးငွေ စာရင်းရှင်းတမ်းနဲ့ လုပ်ဆောင်မှုစာရွက်များကို အလှူရှင်များ လက်ဝယ်အရောက် ပို့ပါမယ်။ (အခြားအသုံးစရိတ်များဖြစ်သော စာရွက်စာတမ်း၊ ဘောက်ချာ၊ လှူဒါန်းမှု ခရီးစရိတ်၊ စားစရိတ် စသည်တို့ကို ဆောင်ရွက်သူများရဲ့ ကိုယ်ပိုင်ငွေဖြင့်သာ ကျခံဆောင်ရွက်ပါမယ်။) |
| Awards |
⌂ ကတိ ⌂
♥τo♥ သည် အလှူရှင်များ၏ လှူဒါန်းငွေများကို မိမိတို့ဆောင်ရွက်နိုင်မည့် အချိန်ကာလ အတိုင်းအတာ အထိ အထိရောက်ဆုံး၊ အကျိုးရှိဆုံး နှင့် မှန်ကန်စွာ လှူဒါန်းပေးမှာဖြစ်ပြီး အခြားအသုံးစရိတ်၊ ဝန်ဆောင်မှုတို့ကို အတတ်နိုင်ဆုံး စိစစ်ခြိုးခြံကာ ငွေစာရင်းရှင်းတမ်းများကိုလည်း လှူခွင့်ရသည့် နောက်ဆုံးအသုံးစရိတ်အထိ ရှင်းလင်းပြန်ကြားပေးမှာ ဖြစ်ပါတယ်။ ⌂ တည်တံ့မှု ⌂ ♥τo♥ သည် အလှူရှင်များနှင့် ချို့တဲ့နွမ်းပါကာ အကူအညီလိုအပ်နေသည့် အလှူခံများကြား၊ စေတနာကွန်ယက်ဖြင့် ယှက်နွယ်ချိတ်ဆက် လှူဒါန်းပေးတာဖြစ်လို့ (၁) အလှူရှင်များ (၂) တက်ကြွစွာဆောင်ရွက်ပေးသူများ (၃) လှူခွင့်ရမည့် အခြေအနေ၊ အနေအထားစသည်များ ပေါ်တွင်မူတည်၍ တည်တံ့မှာ ဖြစ်ပါတယ်။ ☼ လစဉ်စုပေါင်းဆွေးနွေးမှု ☼ လစဉ်စုပေါင်းဆွေးနွေးမှုကို လကုန်ရက်များတွင် ရက်သတ်မှတ်၍ လအတွင်း လုပ်ကိုင်မည့် အစီအစဉ်များကို ဆွေးနွေး တာဝန်ခွဲဝေကြပါတယ်။ အားလုံးတက်ရောက်ဖို့ ဖိတ်ခေါ်ပါတယ်။ (လှူဒါန်းသူ ရှိပေမယ့် ပါဝင်လှုပ်ရှားလုပ်ကိုင်မည့်သူ အားနည်းရင်လည်း ဆက်လက်လုပ်ကိုင်ဖို့ ခက်ခဲနိုင်ပါတယ်)။ ☺ ဆွေးနွေးပွဲများမှာ အကျွေးအမွေးအစီအစဉ် လုံးဝမရှိပါ၍ ရေဆာတတ်ပါက ရေဘူးယူဆောင်လာကြပါရန်☺ |
No comments:
Post a Comment