Popular Posts

စွမ်းအားရှိ အစားအစာ ( ၅ ) မျိုး

by Health Articles on Wednesday, July 25, 2012 at 1:42pm ·

အာဟာရဓာတ် စွမ်းစွမ်းတမံထုတ်ပေးတဲ့ ဒီအစားအစာများက နှလုံးရောဂါ၊ ကင်ဆာရောဂါ၊ လေဖြတ်ခြင်းနဲ့ တခြားရောဂါများကို ပိုမိုကာကွယ်ပေးပါတယ်။ ဒါကြောင့် သင့်ဈေးဝယ်စာရင်းမှာ ဒီအစားအစာ (၅)မျိုးကို ရေးမှတ်ထားပါ။

နှလုံးရောဂါနဲ့ ကင်ဆာရောဂါတို့ကို တိုက်ထုတ်ပေးတဲ့ အစားအစာများကို ဝေးဝေးသွားရှာစရာ မလိုပါဘူး။ အဲဒီအစားအစာတွေဟာ စူပါမားကက်ထဲမှာပဲ ရှိနေပါတယ်။ အားဆေးသောက်ရုံနဲ့ သင့်မှာ အာဟာရ ဓာတ်တွေ လုံလောက်သွားပြီလို့ ထင်ရင်တော့ နောက်တကြိမ် ထပ်စဉ်းစားပါဦး။ အားဆေးတွေဆိုတာ အစားအစာကို အစားထိုးတဲ့ပစ္စည်းတွေ မဟုတ်ပါ။ အတိုင်းအတာကို ချင့်ချိန်ပြီးစားရတဲ့ အားဆေးများသာ ဖြစ်တယ်လို့ အသိအမှတ်ပြု အာဟာရဓာတ်ပညာရှင်တဦးက ရှင်းပြပါတယ်။ သက်သေပြချက်အရ အပင်များကရတဲ့ အာဟာရဓာတ်များဟာ တခုနဲ့တခု စုပေါင်းညှိနှိုင်းကာ အကျိုးပြုဆုံးဖြစ်ကြောင်း တွေ့ခဲ့ရပါတယ်။ ဒါကြောင့် ဒီဟင်းသီးဟင်းရွက်များကရတဲ့ အစားအစာ စာရင်းကို ဈေးဝယ်ဖို့ ချမှတ်လိုက်ပါ။

ဟင်းနုနယ် (Spinach)
အစိမ်းရင့်ရောင် ဟင်းနုနယ်ဟာ အပင်ကရတဲ့ ဓာတုပစ္စည်း လူတင်း (Lutein) ဓာတ် အရင်းအမြစ် အကြွယ်ဆုံးဖြစ်၏။ Superfoods RX စာအုပ်ထဲမှာ မျက်စိအထူးကုဆရာဝန် ဒေါက်တာစတီဗင်ပရက်ရဲ့ ရေးသားဖော်ပြချက်အရ ဟင်းနုနယ်သည် အတွင်းတိမ်ရောဂါနဲ့ AR MD (Age-related macular degeneration) ခေါ် အသက်ကြီးရင့်လာမှုကြောင်h မြင်လွှာယိုယွင်းပျက်စီးတဲ့ မျက်စိကွယ်ခြင်းရောဂါကို ကာကွယ်ဖို့ အကောင်းဆုံးအစာဖြစ်တယ်-လို့ဆိုပါတယ်။ လူတင်းဓာတ်ဟာ ခရမ်းလွန်ရောင်ခြည်ကို
စစ်ပေးတဲ့အပြင် မျက်စိများကို နေရောင်မှ မထိခိုက်အောင် ကာကွယ်ပေးပါတယ်။ ဒါ့ပြင် ကာရိုတင်းဓာတ် ကြွယ်ဝတဲ့ ဟင်းသီးဟင်းရွက်များကို စားသုံးတဲ့လူတွေမှာ အစာအိမ်ကင်ဆာ၊ အဆုတ်ကင်ဆာ၊ ဆီးကျိတ်ကင်ဆာနဲ့ ဆီးအိမ်ကင်ဆာဖြစ်နိုင်တဲ့ အန္တရာယ်တို့ကို နည်းပါးစေပါတယ်။ ဟင်းသီးဟင်းရွက်များကို အကျက်လွန်အောင် ချက်ခြင်းဖြင့် ၄င်းတို့ရဲ့ အာဟာရဓာတ်များကို ပျက်စီးဆုံးရှုံးစေပါတယ်။ ဒါကြောင့် ဟင်းနုနယ်ကို ရေနွေးခပ်နည်းနည်းဖြောပြီး သုပ်စားပါ။ ဒါမှမဟုတ် အသာအယာ မွှေကြော်ပြီးစားပါ။
****************************************************************************************

ဆော်လမွန် ငါး၊ (Salmon)
ဆော်လမွန်ငါးဟာ နှလုံးကျန်းမာရေးအတွက် အဓိကကျတဲ့ အစာတခုပါ-လို့ ဂျက်ကလင်းက ရှင်းပြပါတယ်။ ဆော်လမွန်၊ တခြားအဆီထူ ပင်လယ်ငါးများဖြစ်တဲ့ တူနာငါး၊ ဟော်လီဘတ်ငါး၊ ဆာဒင်းငါး၊ ငါးကွန်းရှပ်၊ ကကတစ် ငါးတို့မှာ အိုမီဂါ(၃) ဖက်တီးအက်စ် ကြွယ်ဝစွာ ပါဝင်ပါတယ်။ အိုမီဂါ(၃) ဖက်တီးအက်စ်ဟာ ဓာတ်တိုးဆန့်ကျင်ပစ္စည်းများဖြစ်တဲ့အတွက် အရောင်အရမ်းကျစေလို့ သွေးကြောင့်ဖြစ်တဲ့ လေးဖက်နာ (Rheumatoid Arthritis) နဲ့ ဆိုရီရေးစစ်ခေါ် သွေးကြောင့်ဖြစ်တဲ့ အရေပြား ယားနာပြဿနာများကိုပင် သက်သာစေပါတယ်။ ပင်လယ်ငါးတွေမှာ ပြဒါး (Mercury) ပါနိုင်မလားလို့ သံသယ၀င်ပါက လတ်လတ်ဆတ်ဆတ် အစားအစာကို စင်ကာပူ ဌာနေအစားအစာ စစ်ဆေးရေး အာဏာပိုင်အဖွဲ့က စစ်ဆေးပေးပါတယ်။
****************************************************************************************

ဆန်၊ အုတ်ဂျုံကြမ်း (Oats)
တခြားအစေ့အဆန်များနဲ့ နှိုင်းရင် အုတ်ဂျုံမှာ လင်နိုလန်းနစ်အက်စစ်၊ ဗီတာမင် B၊ ဗီတာမင် E၊ ပရိုတင်းနဲ့ ပျော်ဝင်နိုင်တဲ့ အမျှင်ဓာတ်တို့ ပိုမိုပါဝင်ပါတယ်။ အဆီဓာတ်နည်းပါးသော အစားအစာကို (၈)ပတ်ကြာအောင် ကျွေးထားတဲ့လူများအား လေ့လာခဲ့ရာ တနေ့လျှင် အုတ်ဂျုံပါတဲ့ အစာ (၃၅)ဂရမ်မှ (၄၅)ဂရမ် စားသောက်သူ များဟာ အုတ်ဂျုံမစားတဲ့သူတွေထက် သွေးတွင်း ကိုလက်စထရော (၃)ရာခိုင်နှုန်း ပိုကျသွားပြီး LDL ခေါ် မကောင်းတဲ့ ကိုလက်စထရော (၁၄)ရာခိုင်နှုန်းထက် ပိုပြီးကျသွားကြောင်း တွေ့ခဲ့ရပါတယ်။ သို့သော် Instant Oatmeal လို့ရေထားပါက သကြားတွေ အပိုဆောင်းထည့်ထားကြောင်း သိနားလည်ထားရပါမယ်။
***************************************************************************************

ခရမ်းချဉ်သီး၊ (Tomatoes)
ခရမ်းချဉ်သီးတွေဟာ လိုင်ကိုပင်း အများဆုံးပါဝင်တဲ့ အရင်းအမြစ်တခုဖြစ်ပါတယ်။ လိုင်ကိုပင်းဆိုတာ နှလုံးရောဂါ ဖြစ်နိုင်ခြေအန္တရာယ်ကို ထက်ဝက်လျှော့ချပေးနိုင်တဲ့ အင်တီအောက်ဆီးဒင့်များ ဖြစ်ပါတယ်။ ခရမ်းချဉ်သီးမှာ အင်တီအောက်ဆီးဒင့် A၊ C နဲ့ E တို့လည်း ပါဝင်ပါတယ်။ ဆီအနည်းငယ်ထည့်ပြီး ချက်မှသာလျှင် လိုင်ကိုပင်ကို သင့်အူလမ်းကြောင်းက စုပ်ယူနိုင်စွမ်း ပိုကောင်းစေပါတယ်။ ဒါကြောင့် ခရမ်းချဉ်သီး အကွင်းလိုက်လေးတွေပါဝင်တဲ့ ပီဇာနဲ့ ခရမ်းချဉ်သီးဆော့ကို စားဖြစ်အောင်စားပါ။
****************************************************************************************

အစေ့အဆန်များ (Nuts)
အစေ့အဆန်များကို ခဏခဏနဲ့ များများစားပေးခြင်းဖြင့် နှလုံးရောဂါ ဖြစ်နိုင်ခြေမှ (၃၉)ရာခိုင်နှုန်းတောင် လျှော့ချဖြတ်တောက်နိုင်ပါတယ်။ အစေ့အဆန်များမှ ပရိုတင်းဓာတ်၊ မဂ္ဂနီဆီယမ်၊ ဗီတာမင် B နဲ့ E အပြည့်အ၀ပါရှိတယ်။ အစေ့အဆန်များမှာ မိုနိုအန်ဆက်ကျူရိတ်တက် အဆီလို့ခေါ်တဲ့ ကောင်းတဲ့အဆီ HDL ကို တိုးမြှင့်ပေးနိုင်တဲ့ အဆီဓာတ်ပါဝင်ပါတယ်။ ဒါ့ပြင် ဗာဒံစေ့၊ ဟေဇယ်စေ့၊ မြေပဲဆန်တို့မှာ ဗီတာမင် E ဓာတ်ကြွယ်ဝပါတယ်။ ဘရာဇီးနပ်မှာ ဆယ်လ်နီးယမ်ဓာတ်ပါဝင်ပါတယ်။ Pecans အစေ့များမှာ Ellagic Acid ခေါ် ဓာတ်တမျိုးပါပြီး ကင်ဆာရောဂါကို တိုက်ဖျက်နိုင်သော အစွမ်းအာနိသင်ထက်တဲ့ အင်တီအောက်ဆီးဒင့် ဖြစ်ပါတယ်။ သီဟိုဠ်စေ့နဲ့ Pistachios (ပစ်စ်တာချီယိုစ်) (မြန်မာနိုင်ငံမှာ ၀ယ်လို့ရပါတယ်)။ များမှာ ပိုတက်ဆီယမ်ဓာတ် မြင့်မားလို့ သွေးတိုးရောဂါကို ထိန်းပေးနိုင်တယ်။ သစ်ကြားစေ့မှာ အိုမီဂါ (၃) ဖက်တီးအက်စစ်များပါတဲ့ အတွက် ဆီးချိုသွေးချိုရောဂါနဲ့ နှလုံးသွေးကြောရောဂါများမှ ကာကွယ်နိုင်ပါတယ်။ အစေ့အဆန်များမှာ ကိုလက်စထရော မပါဝင်ပါလို့ ပြောပါတယ်။ သို့သော် ကယ်လိုရီမြင့်မားပါတယ်။ ဥပမာ-ဗာဒံစေ့(၁)အောင်စ စားပါက (၁၆၉)ကယ်လိုရီ ရနိုင်ပါတယ်။ ဒါကြောင့် တခါစားရင် လက်တဆုပ် စာသာ စားသင့်ပါတယ်။
***************************************************************************************

ရှောင်ရန်---
ကျန်းမာရေးနဲ့ ညီညွတ်စေဖို့ အစားအစာများကို ၀ယ်မယ်ဆိုရင် အထုပ်များပေါ်မှာ ရေးထားတဲ့စာတန်းကို နားလည်အောင်ဖတ်ပါ။ (မသိရင် အဘိဓာန်စာအုပ်မှာ ဖွင့်ရှာပါ)။
--- ဟိုက်ဒရိုဂျင် ဓာတ်သွင်းထားတဲ့အဆီ (Hydrogenated Oils) (သို့မဟုတ်) Partially hydrogenated Oils (သို့မဟုတ်) ထရန်းစ်ဖက် (Trans Fats) များပါသည်လို့ ပါဝင်သောအစားအစာများ စာရင်းမှာပါရင် ရှောင်ပါ။ မစားသင့်ပါဘူး။
--- အချိုရည်များ၊ ဆီရီယမ်များ၊ အေးခဲထားသော အစားအစာများ၊ ကြာရှည်ခံအသင့်စားဖွယ်များ (စည်သွပ်ဘူးများ၊ ရယ်ဒီမိတ်များ၊ အသား၊ ဒိန်ချဉ် စသည်)၊ ဖရပ်တို့စ် မြင့်မားစွာပါဝင်သောကြောင့် အချိုရည်များကို သတိထားစားသုံးပါ။ ကျွမ်းကျင်သူများရဲ့ အဆိုအရ ဒီအစားအစာများမှာပါဝင်တဲ့ သကြားအမျိုးအစားကို အဆီအဖြစ် ပိုပြီးလှောင်ထားနိုင်လို့ လူကို ပိုဝစေတယ်လို့ ဆိုပါတယ်။

ဒေါက်တာ ရည်ညွန့်မေ
(Image 2010-November)
Shared from http://www.mawluu.com/2011/01/blog-post_9716.html

No comments:

Post a Comment

Nattalin Township

သူရိယ အလင်း - လိုင်းပေါင်းစုံ

ရောင်တော်ဖွင့်လူငယ်အဖွဲ့ လှုပ်ရှားမှု(နတ်တလင်းမြို့)

HEART TO HEART

ဟိတကာရီ နာရေးကူညီမှုအသင်း

DoReMe

Pyithu Hluttaw - ပြည်သူ့လွှတ်တော်

ရဲဇာနည်

Eleven Media Group

Shwemyanmar media group

Health Articles

အိပ်ရေးပျက်တဲ့ညများ

နောက်တစ်ကြိမ် လာလည်ဖို့ ဖိတ်ခေါ်ပါတယ် ဆက်လက်ကြိုးစားပေးပါမယ် .... တာရာ ပွကြီး